Teologia
Creatz (exemple detalhat) la sospagina qu'assegurarà lo seguiment del processús de traduccion en clicant sus Projècte:Traduccion/Teologia.
La teologia (del grèc θεολογία [theologia], literalament « dicha sus la divinitat o çò divenc, lo Θεός [Theos] ») es l'estudi, que se vòl racional, de las realitats relativas al divenc, quitament se d'autres disciplinas, particularament la filosofia, la psicologia o la sociologia, tractan de Dieu, de las cresenças e del «fach religiós». Dins las religions monoteïstas subretot, es considerada coma la sciéncia de la Revelacion, fondada sus l'estudi dels tèxtes religiós, lor interpretacion, dins la tòca d'esclairar lo cresènt o lo fidèl sul biais d'agir o de creire segon sa religion.
De fach, al sens pus estricte se pòt pas parlar de teologia que per la fin del paganisme , lo cristianisme occidental e l'ortodoxia, pr'amor qu'es lo produch de l'encontra entre la filosofia antica e la religion. Existèt a la talvera una vertadièra teologia musulmana e joseva, al sens d'una encontra entre las doctrinas d'aquelas religions e la filosofia (antica) mas la via foguèt lèu copada ; se per teologia se pensa tota dicha sus dieu(s) e la religion alavetz lo concèpte ven mai leugièr, los mites e la sciéncia de las religions son de teologia.